جاء مشعل إلي مسرعاً ياستاد
الوكيل يقول إنك (مهرب-منحاش-هاج-شارد)الحصه الأخيره
وأنا والله عندك أمس ياستاد
محسوبك كنه مايفهم:المطلوب(طبعا الطالب مش كويس)
مشعل :أبي ورقه له تثبت أنني كنت بين يدي حصتك(وش رايكم بالفصحى)
محسوبك:أنت أكيد كنت عندي بالحصه
مشعل :إي والله
محسوبك: طيب وش خذينا
مشعل :هاه
محسوبك:تذكر شي حصل بالحصه
مشعل :بصراحه أنا كان بي النوم
محسوبك:طيب وين مكانك(الله يعينه على التحقيق)
مشعل :والله أنا كنت عند جمب يمين بالزاوية(الأخ شكله يوصف أو يمرن الطلاب بالطابور)
محسوبك: إخلص علي إنت متأكد إنك حاضر
مشعل : إي والله (الحلف زي السلام عليكم)
محسوبك:على العموم حنا كنا أمس بالتوعية ما حنا بالفصل(قعد به ضمك)
مشعل : هاه (تحسبون بوجهه دم اصبروا شوي)
مشعل : الحقيقه يا ستاد أنا كنت نيم من السادسه ويوم قمت مالقيت أحد بالفصل
محسوبك:على العموم الحبل كذبه قصير قصدي الكذب حبله قصير
محسوبك: ولا له عاده تجينن إنقلع(خوش أسلوب تربوي)